一副娃娃臉的戴夢夢，原來都幾女人味，接受「藝人大起底」挑戰時，自爆對喱士底褲情有獨鍾，話「就算凸出嚟畀人見到都靚啲」，認真坦白！
飲食篇
問：試過用乜方法減肥？最嚴重減到咩程度？
答：用最原始嘅方法，就係食藥，結果一坐車就瀉。
問：試過一日最多食幾多嘢？最少食幾多嘢？
答：去旅行試過一日食七餐，行到邊食到邊，搞到要食消化餅，最少就一日食一餐，就係病嗰時，只可以食粥，好慘！
個人習慣篇
問：鍾意着T-back、高腰定低腰底褲？
答：低腰底褲，因為平時會着低腰牛仔褲，如果着高腰底褲，一坐低就會睇到，好肉酸，T-back好唔舒服，好似勒住咁。
問：着底褲鍾意淨色、卡通人物、喱士、豹紋定花花？
答：喱士，女仔啲同Sexy啲嘛！又唔係畀人睇，自己睇，唔緊要！
喜好及感情篇
問：最討厭嘅男人類型？
答：懶型囉！有遇過添，好大男人。（點對付佢？）大番佢囉！不過都係失敗，佢始終活喺自己嘅世界入面，有試過，但最終都唔可以修成正果！
問：信唔信隔世姻緣？
答：信！我覺得走得埋一齊係緣分，上一世一定識得。（迷信？）我有宗教信仰，相信因果報應。