曹卓榣（Cc）雖然在五日拍攝之旅中，未能歎世界，但仍高呼值得：「今次行程好密，五日內幾乎由頭拍到落尾，0630通告拍到2300，但我反而開心，我係第一次拍旅遊特輯，仲可以上郵輪大開眼界，感覺好新鮮！密啲嘅行程可以畀我學多啲嘢，禤國全先生係旅遊專家，同我哋分享咗好多旅遊經驗，同埋拍出嚟嘅效果都好好，所以辛苦都值得。」

Cc（左起）和何穎璇以盛裝打扮，出席郵輪必備的Captain's Dinner。	Cc（前）和何穎璇扮《鐵達尼號》的經典甫士。	Cc在新加坡拜訪這隻醒目的猴子。

猴子熱情拖手

Cc自爆在郵輪上扮演《鐵達尼號》經典一幕：「架郵輪有好多層，有好多設施，連圖書館都有。（喺賭場有斬獲？）我哋有喺入面取景拍嘢，但有好多嘢要拍，根本冇時間玩，或者將來有機會再去見識吓。呢程最難忘係全部乘客着到好靚同船長食晚餐，感覺好Grand（高貴）。我同何穎璇又喺船頭扮《鐵達尼號》，望住個海，感覺好震撼！我哋仲去咗新加坡好幾個景點拍攝，遇到一隻影相識拖住我手嘅猴子，佢好叻、好醒目。」