隨着無綫與四大唱片公司因版稅鬧翻，歌手有可能亮相亞視，壟斷局面勢被打破，亞姐冠軍姚佳雯接受專訪時說：「呢個係亞視翻身嘅好機會，風水輪流轉，ATV好有人情味，好心係有好報。」加入亞視近一年的她，大讚公司有人情味：「公司好畀心機教我，令我學到好多嘢。（自薦做音樂節目主持？）唔會，自問廣東話唔好，如果用英文或者普通話就唔同。公司畀好多機會我，上年做咗三個節目嘅主持，覺得有進步。」
對於同屆亞姐袁小曼撻着年長21載的「有米」地產代理CEO廖偉強，姚佳雯說：「唔覺得好大件事，唔覺得佢貪錢，佢喺澳洲讀書返嚟，屋企都有番咁上下啦！年紀差距更加唔係問題，大家溝通到，開心咪得囉！」
