前動作女星梁琤與謝月美早前為舞台劇《無動機殺人犯》宣傳，當梁琤獲邀上台時，她突然大叫要找妹妹並離開現場，十分鐘後神色慌張地折返，連化妝也花了，並指找不到妹妹，令人莫名奇妙！原來全是大會特別安排，要求梁琤「預演」一節劇情，讓觀眾感受該劇的氣氛。
首次演出舞台劇的梁琤揚言在劇中擁有複雜性格，挑戰性甚大：「因為演舞台劇冇得NG，仲要喺一場戲入面做齊喜怒哀樂，情緒起伏好大。（同資深演員合作學到嘢？）會呀！因為個劇唔可以用咪，所以佢哋教我啲小練習，等我可以大聲講台詞但又唔傷喉嚨。」梁琤近年甚少拍戲，問到是否已嫁人生仔？她說：「我冇咁大勇氣，覺得責任太大。」
