早前有指o靚模顏后君（Ceci）被何超蓮搶走其男友Jeremy，但Ceci隨即作出澄清，強調與Jeremy交往已是幾年前的事。對於被踢爆曾拍拖，Ceci顯得甚為避忌：「同Jeremy一直都係好朋友，唔想畀人誤會我借佢哋上位。我只想專心事業，總之佢哋開心，我都會送上祝福。」

顏后君拍攝新造型照，希望在模界有所突破。

放大圖片

Ceci透露除了忙於為前E-Kids成員阮民安與林雪畫插畫外，最近亦物色簽新經理人公司：「其實我做Model已經有年幾時間，上年有幸可以為無綫生活台做主持，又試過拍電影，先發現對錄影工作都好有興趣，所以嚟緊新一年希望喺模特兒界同影壇雙方面發展。」

最大膽嘗試

另外，Ceci最近積極拍攝新造型照，其中更有半裸造型，但她直言已是最大膽嘗試：「雖然之前我拍《我要做o靚模》時亦拍咗幾秒半裸鏡頭，但今次要企成個幾鐘影相，仲要我擺唔同Pose，對我嚟講已經係好大嘅挑戰。」