小齊於農曆新年積極搵銀，人日將到澳門舉行《任賢齊星級晚宴演唱會》，並邀得農夫任嘉賓，問到為甚麼要找歌路與自己不同的農夫？小齊笑說：「我係被迫！上咗賊船！」說罷即哈哈大笑，然後才正經地說：「講笑！農夫嘅音樂唔同一般嘅Rap，佢哋好乾淨同幽默，新年期間需要正能量，所以請佢哋做嘉賓！」農夫聞言即抵死地說：「我哋就真係被迫，小齊哥出到聲，我哋可以唔做咩？」

適逢開騷當日是囝囝生日，故小齊會安排一家人到澳門慶祝兼睇騷。

口水多過茶的農夫向小齊逗利是，失敗而回。

利是變簽名相

小齊表示是次個唱會搞搞新意思，實行門票加晚餐一條龍，讓觀眾飽餐一頓才安心睇騷：「台灣早年好興呢種方式，新年將歡樂帶給一家大細！」適逢當日是囝囝的兩歲生日，他坦言會帶家人到澳門慶祝兼度假。問到農夫有沒有邀請親友撐場？他們望着小齊並擠眉弄眼地說：「我會叫朋友去，叔伯嗰啲！」小齊沒好氣地笑罵：「你哋跳樓啦！」語畢即令身處在18樓餐廳的眾人哄堂大笑。

雖然小齊與農夫屬不同年代的歌手，但異常合拍，為了今次合作還專誠錄製一首由農夫填詞的賀年歌《紅包拿來》，農夫說：「小齊哥要派利是畀我哋呢啲小朋友！」小齊馬上回敬：「裏面係簽名相！」即時令農夫語塞。