早前賈思樂（Louie）應邀出席《娛樂on Show》，接受主持人陳振安與俞詠文專訪。下月舉行演唱會的他分享箇中細節及嘉賓名單，指去年十月已一手一腳策劃個唱，雖然仍未撈得一大筆，但已製造了不少Noise，他說：「個唱『生』咗好多嘢，好似嚟緊Part　2咁，有慈善團體睇過我舊年個Concert，邀請我做大使之餘，仲提議今年再開慈善個唱，我覺得好有意義。」

賈思樂為去年的演唱會耗資百多萬，直言為償心願，冒險也值得。

爆發金融海嘯後，賈思樂在友人提議下決定開「復出」個唱。

合唱英文歌

個唱嘉賓方面，除了有好友肥媽、陳潔靈及夏韶聲外，還有一位「新面孔」謝安琪（Kay），Louie說：「有次聽收音機聽到佢首歌，首歌寫得好好，佢嘅歌聲演繹又好，令我好感動！」經助手幫忙下，Louie親自致電Kay的經理人公司邀請演慈善騷，對方亦爽快答應。他透露兩人會有合唱，原本打算為Kay揀選中文歌，但對方主動提議英文歌，他笑說：「唔係睇小佢，只係從來冇畀過我感覺佢係唱英文歌嘅。」不過，Louie直言欣賞Kay滿滿的自信心，言談間對這位他眼中的「新人」有褒冇貶！欲知Louie個唱的最新消息，請即登入ontv收睇《娛樂on Show》！