無綫姐仔胡定欣的演技日受注目，事業漸見起色的她坦言，希望可以再創高峰：「當然希望事業更上一層樓，今年有份拍攝嘅《刑警》同《巾幗梟雄2》應該會出街，兩套劇個角色都好有發揮。（想唔想得獎？）冇諗呢啲啦！唔想Focus喺有冇獎度，最重要係做好個角色，對自己有交代。喺《巾幗2》度我會做一個奸得好徹底嘅人，角色好有突破！」
劇接劇的胡定欣更希望今年可置業：「趁住呢排有時間，我好搏命接活動，好多朋友都陸陸續續買樓，自己都想今年可以儲夠錢，買到個一千呎內嘅單位，預計300萬左右啦！第時運氣再好啲，先再換個大啲嘅單位！」
