鍾蕙芝（Lavina）與胡心諾（Rainbow）去年經歷多場「露肉戰」才得以令人熟悉，繼而走入電影棚拍戲，相比之下，她們的師妹許麗燕（Irene）雖擁有35C身材，但不用「賣肉」，頭炮出擊更有機會參演杜琪峯新片。
對於要在o靚模界分一杯羹，Irene表示想慢慢在影圈及模特兒界站穩陣腳：「我真係好鍾意演戲，有信心可以喺呢行突圍，年頭已有個咁好嘅機會，自己會好好把握。」談到杜琪峯出名拍戲嚴謹，問她可曾被導演責罵？她說：「以前聽人話佢成日鬧人，但識落原來幾好人，好肯教我演戲，佢做嘢嗰陣真係好認真，所以我都盡量做好自己，仲有就係入片場一定要準時，我通常都會早十分鐘到。」
