重返娘家後的Miki，事業發展多元化，除了模特兒工作，還為電台拍劇，今年更會進軍文化界，學做才女出書，Miki笑說：「唔係咩才女，只係出本愛情小說，心情又興奮又緊張。（向鄧麗欣同傅穎取經？）唔會！將自己啲經驗寫出嚟！」

抗拒被指「包養」

自認愛情經驗豐富的Miki，入行後曾與徐天佑傳緋聞，去年則與已婚的永安太子爺郭永淳爆出緋聞，Miki承認失實傳聞影響形象：「我同佢（郭永淳）只係朋友，接受唔到咩包養，從來冇諗過走呢條路，愛情係要付出，我唔會做啲對唔住自己或者屋企嘅事。」她強調與對方不受傳言影響：「我哋友誼永固。」

問到可會將與徐天佑及郭永淳的緋聞放在小說中？她卻強調不會：「我會講自己過往拍拖嘅嘢，但一定唔會開名。」唱歌出身的Miki，最近在家中添置音響，她笑說：「我一直有練歌，做好準備。（做全能藝人？）冇男仔約，咪喺屋企唱吓歌囉！」