去年憑一曲《如果我是陳奕迅》而人氣急升的Mr.，即將推出新碟《Mr. Like Black》，附送由葛民輝（阿葛）設計的限量版結他Pick，今次得偶像仗義相助，五子心情興奮！成員Dash更向偶像大騷收藏品，包括阿葛與其他品牌合作設計的波鞋及Figure公仔，他坦言已珍藏多年，即使炒得再貴都不捨得賣：「以前堂家姐好鍾意軟硬，我幫佢剪報，大個之後開始留意軟硬嘅音樂。阿葛真係鬼才，80年代已經開始Rap，行快人好多步！」

Ronny（左起）、Dash及MJ最近積極籌備個唱。	Mr.近年狂出騷吸收經驗，今年終於可開騷。 資料圖片	Dash帶同珍藏的波鞋及Figure公仔見阿葛。

阿葛表示受Mr.的音樂熱誠打動，問到酬勞多少？鬼馬的他笑說：「冇收錢㗎！大家都知Duncan（環球高層黃劍濤）幾孤寒！今次幾好玩，佢哋又唔係要嚟賣錢，只係送畀粉絲，咁有心，應該支持樂壇！」

望邀合唱學嘢

是次得到阿葛拔刀相助，Mr.承諾會無條件報答，成員Alan表示會請阿葛食飯兼睇演唱會：「如果佢肯做埋演唱會嘉賓，咁就更加好啦！（請佢合唱？）梗係想，希望可以跟佢學嘢！」