熱愛畫畫的王菀之（Ivana），日前擔任「可持續發展」活動表演嘉賓，看到一些壁畫設計比賽作品，令她甚為欣賞：「我喺台灣學過油畫，而英國老師教我畫嘅第一幅畫，就係黑白山水畫（開畫展？）大家睇得明嘅話，我唔介意公開作品！」畫畫之外，近年她買畫作為珍藏：「有啲幾萬蚊一幅，將來可能升值到幾十萬！」由於珍藏品愈來愈多，她笑言現急於另覓地方收藏：「畫畫既有助藝術修養，仲可以平復情緒，每次畫畫都覺得好放鬆，好似休息咁，之後仲有靈感作曲添！」