軒仔將於農曆新年期間假紅館舉行演唱會，每晚均會找來不同嘉賓，雖然最近他被爆跟Kenny在西貢「同居」，但他不避嫌請對方做嘉賓：「到時仲有王菀之添！呢啲咪叫共冶一爐囉！新年要大團圓，最緊要大家睇得開心！」大年初一正是西方情人節，豈不是可以共度三人世界？軒仔笑說：「呢場未必有佢哋喎！（係咪用錢利誘佢哋先？）唔使我出手，佢哋上台都大把利是收啦！哈哈！」

Kenny、王菀之及軒仔關係撲朔迷離，令人津津樂道！ 資料圖片	Kenny最近被拍得出入軒仔寓所，「同居」斷正！資料圖片	雖然爆出同居緋聞，但軒仔仍一笑置之。

今次是軒仔第二度在紅館開騷，更成功從譚詠麟（阿倫）、李克勤的「左麟右李」手上奪得新年黃金檔期：「我已經向佢哋取經，阿倫仲特登送咗部買餸手推車畀我裝利是，希望我可以秉承佢哋嘅旺氣，帶畀觀眾喜氣洋洋嘅氣氛！我都有請阿倫做嘉賓，佢度緊期o架喇！」

節目晚晚不同

軒仔表示每晚節目編排都會不同，年三十晚會有倒數迎接虎年儀式，大年初一情人節則大唱情歌，而尾場因為是慈善性質，會有長者捧場，所以會挑選一些經典舊歌及電視劇集歌曲，以滿足不同觀眾口味。