周倩圯（Samantha）入行十多年，向來工作認真，答應了的工作絕不會失場。她坦言以前做模特兒較難入行，對身材要求又高，不似現時不夠5呎9吋高都可以成為模特兒！Samantha笑言無論多辛苦都好，也未有放棄的念頭，因為她深知入行不易，所以才會加倍珍惜機會。

周倩圯身形高挑，是標準的模特兒骨架。

周倩圯甫士多多，盡見媚態。

初入行時，Samantha曾有不少難忘經歷：「初初我只係兼職模特兒，有次做一個髮型騷，當時冇化妝師幫手化妝，之前我只係上過一堂化妝，自己帶住一袋化妝品去現場，都唔知點做好！」

發高燒頂硬上

另外，當然夏天穿冬裝，冬天着夏裝是家常便飯的事，Samantha說：「有個客好鍾意我，佢嘅衫係賣去哈爾濱，啲衫有幾厚可想而知！試過夏天成35度，要同另一個女模逼住喺個車廂入面換衫，每次要換百幾套，真係好辛苦！」她試過發燒至104度，但又不想失場，惟有喺開工前到急症室打針，全靠意志支撐！

用情專一零緋聞

Samantha經常與不同男模合作，又不時接觸明星，難得她對感情十分專一，從未傳過緋聞，由始至終，只跟擔任形象顧問兼時裝店老闆的男友Ricky一起。07年二人曾經分手，不過至今仍有影皆雙，加上曾傳張可頤介入，關係耐人尋味！