祖兒昨日到電台宣傳今日推出的《Joey Ten》，新碟附送其成長相集：「有好多相都未曝過光，好多好娘嘅相，仲有我幼稚園嘅成績表！」她表示新碟中的「Lady GaGa彩虹巨膊」裝，本來是為幫好友何韻詩搵：「我睇雜誌見到件衫好靚，所以打畀個Stylist搵，本身件衫係想搵畀阿詩嘅，不過當時搵極都搵唔到，到我影唱片Cover時佢就出現！（咁益阿詩？）好嘢梗係益朋友啦！」由於新碟內有不少童年照首度曝光，定單已直逼白金銷量，唱片公司恐怕在農曆新年前會斷貨！

基仔與祖兒錄影節目，同台切磋歌藝。	祖兒新碟展現多個不同造型，令人驚喜不已！	祖兒昨日到電台宣傳新碟，展示珍藏童年照。

另外，祖兒及古巨基（基仔）前晚錄影《勁歌金曲》時，祖兒透露稍後將為無綫拍攝音樂特輯：「我好想去遠啲，話晒都係自己第一個音樂特輯吖！（怕唔怕畀人話你鋪路拎獎？）唔怕，係咪都會有人講，唔通因為怕而咩都唔做咩！」提到現時《勁歌》只得英皇等歌手撐場，祖兒說：「我唔覺，無綫有親切感啲，其他地方人生路不熟，咩線都未鋪好！」

基仔望盡快平息風波

至於基仔接受查小欣的電台訪問時表示，希望版稅風波盡快平息：「希望新年大家團圓，歌手夾喺中間好尷尬嘅！」他指此事並不影響歌手之間的感情，又指無綫以外的訪問均以普通話受訪。