即將舉行演唱會嘅BIG FOUR成員蘇永康、許志安、張衞健同梁漢文，年齡加埋接近200歲，但呢四個男人絕對仲係大唔透嘅 「大細路」！早前佢哋四個接受邀請，為酒樓擔任開幕嘉賓，點知梁漢文趁機整蠱健仔！
話說當日四子執到好正咁到場，大會安排兩隻醒獅助興，仲拋出生菜「採青」，寓意生生猛猛， 百厭星梁漢文見到個「生菜頭」即刻諗到鬼主意，將舊「生菜頭」放 喺健仔張櫈上面，但醒目嘅健仔坐低時發現 舊「生菜頭」，仲好順手咁將佢扔入垃圾桶添！梁漢文嘅整蠱計劃宣布失敗，直擊整個過程嘅小小So即刻行埋去笑佢！
小小So：你個計劃失敗咗喎！
梁漢文：（哈哈笑）唔緊要啦！我會再接再厲嘅！
小小So：仲畀記者影晒相添！
梁漢文：係咩？玩吓咋嘛！估唔到健仔咁都唔中計！