名模熊黛林（Lynn）在新片《花田囍事2010》中上演一場瘋狂時裝騷，在王宮內大晒靚衫。為隆重其事，電影公司花上近百萬元搭建華麗舞台，片中Lynn身穿多套戲服，除了造型誇張外，她更谷胸、露膊、晒長腿，她說：「我見到啲衫都嚇咗一跳，因為造型好靚，唔似古裝，服裝指導仲準備好多配飾畀我，當中仲有個爆炸頭！導演又要我誇張咁去演，搞到我拍完覺得好High，係我最瘋狂嘅一次Fashion Show！」

琴姐技癢行騷，更風騷地晒腿！	熊黛林（右）換上性感露膊裝，火併其他演員。	飾演皇帝的古天樂睇騷睇到O晒嘴！

古天樂從旁打氣

至於78歲的李香琴飾演母后，她同樣粉墨登場在天橋上露兩手，大晒成熟韻味狙擊Lynn，她在台上有樣學樣，更風騷地模仿Lynn拉起裙腳騷腿，效果爆笑！琴姐表示現實中未試過行天橋，今次是一個新嘗試：「拍嗰日落雨，阿Lynn專登教我點行，先冇咁易跣腳又行得好睇，導演叫我風騷咁騷腿，古仔（古天樂）仲一邊拍手幫我打氣，拍得好過癮、好開心！」