曾志偉前晚率領《72家租客》演員亮相《勁歌金曲》，雖然演員之一的張學友缺席，但他不感可惜，還笑言二人分開宣傳：「我負責香港，佢負責外地。（佢負責亞視同有線？）可以咁講，我負責細台，佢負責大台，總之無孔不入！」問到學友會否出席電影宣傳，他說：「佢會去首映同廣州宣傳。（香港？）要錄嘅拍戲時都錄咗，學友分得開演員同歌手身份，電影宣傳嘅嘢，佢唔介意做。（做和事老？）呢啲係公司同公司嘅事，唔講得咁多。」
同場的衞蘭獲兩名唱片公司高層陪同，對於黎明禁止她接受無綫及有線訪問，她說：「今次上嚟係唱冠軍歌。（做訪問？）照平時咁做，唔會刻意加多或減少。」不過她離開前，無綫一直未有派員採訪她。
