對於張學友首次以廣東話接受亞視專訪，李克勤認為雙方情況不同：「我同無綫有約，基於尊重合約精神，唔可以混為一談。」昨日他在電台宣傳時，被追問會否如其他環球系歌手般接受有線或亞視訪問，他說：「我同無綫仲有幾個月合約，完之前都唔會接受其他電視台訪問。」他否認無綫委派世界盃主持任務，並澄清未獲厚待：「十畫未有一撇，唔好胡亂猜測！（版稅風波愈鬧愈大？）樂觀啲當係考驗，但如果都係同環球，就唔可以照簽無綫。（轉會？）屋企電視㩒遙控咁容易咩？我唔想有變動，一百個唔願意離開環球，因為喺度已經第二個十年，已經傾緊（續約）。」