郭晉安與關詠荷等無綫劇集《五味人生》演員，昨日齊集奧海城宣傳新劇，兩位主角指平均28點收視的成績未如理想，關詠荷坦言已盡力：「收視真係麻麻！但同台前幕後拍得開心，我當賺咗，或者個劇播得太夜，我十點就瞓！新年會留喺香港，因為家輝行唔開，唔可以撇甩佢，佢會發老脾。（趁新年造人？）一向都有造，但冇就冇。（太早瞓夾唔到家輝時間造人？）你少擔心，我哋識調節！（試人工受孕？）你畀啲資料我考慮吓先！我唔想好似好大壓力咁，始終都有一個小朋友，多一個只係額外。」她又強調囡囡返學期間，因不適應離開媽咪才大哭，並沒有被打。