本文重點
洛杉磯前日舉行《美國演員工會頒獎禮》（SAG），出爐影后珊迪娜布洛致辭時搞笑地向老公示愛，祖娜芭莉摩亞則奪得電視電影女主角獎，激動得語無倫次，認真搞笑！
頒獎禮由演員「自己人」投票，對得獎者來說特別有意義，今年賽果如早前舉行的金球獎翻版。憑《The Blind Side》封后的珊迪娜，在台上向老公Jesse James以搞笑方式表露愛意：「你着到成隻馬騮咁，同唔識嘅人坐埋一枱，我由得你喺嗰度，轉個頭你就攞到摩根費曼個電郵，我唔知你點樣做到！我好愛你，你真係好正！」她在後台謙稱演技不如人：「我入行前，只係諗過做侍應或者做裝修，因為我覺得自己未夠班。」被視為奧斯卡影后熱門的她，拒絕回應是否有信心再下一城，只是示意記者噤聲：「o殊！o殊！」
多次與獎項擦身而過的謝夫布烈治，繼《金球獎》後，再憑《聲聲相識》奪得影帝，獲全場起立拍掌致敬。他致辭中途因頒獎禮超時被提示落台，他不禁大叫：「唔該埋尾？唔係吓話？」頒獎嘉賓梅麗史翠普卻力撐他：「唔使聽人講！」於是謝夫繼續致辭數分鐘。
祖娜興奮奪視后
由昆頓塔倫天奴執導的《希魔撞正殺人狂》奪得最高榮譽的最佳整體演出，但有份演出的畢彼特未有到場。《希魔》男星基斯杜化華爾茲同時亦奪得最佳男配角，《天生不是寶貝》女星Mo'Nique則奪得女配角獎，四位得獎演員遂成為奧斯卡大熱。
電視組方面，祖娜芭莉摩亞憑《Grey Gardens》奪得最佳電視電影女主角，她致辭時興奮得語無倫次，多次出現停頓：「我依家覺得好唔舒服同緊張！不過呢件係好事，因為你有呢種感覺時，代表喺事業上行啱路！」此外，視星查理辛為到醫院陪伴妻子Brooke Mueller缺席頒獎禮，雖然查理早前因襲擊Brooke被實施禁制令，但探病則不在此限。