小時候的劉倩婷，有位經營玩具生意的媽媽，令其童年不愁沒玩具玩，房間更是堆滿毛公仔，恍如置身玩具世界，她說：「細個好多毛公仔，有好多都好巨型嘅公仔，睇番相有啲公仔仲大過我幾倍，其他細嘅毛公仔當然都好多啦！好幸福有個開玩具店嘅媽媽！」

唔選港姐考督察

雖然有大量玩具，但劉倩婷沒有因而影響學業，讀小學時已是品學兼優的學生，還經常做風紀，她說：「我好鍾意維持秩序，我見到唔啱嘅嘢就會出聲，媽咪都話如果我唔去選港姐，都估我會去考督察喎！」

其後劉倩婷負笈英國升讀中二，更到著名學府讀大學：「去外國讀書一直係自己嘅心願，諗住遲早都會去，不如早啲去，等自己容易適應另一個語言環境，喺外國讀書可以訓練到自己更加獨立。」