無綫為力谷賀歲片《72家租客》，連日來在《東張西望》及《娛樂頭條》等節目播出宣傳片段，但本報收到讀者chichi報料，矛頭直指黃宗澤（Bosco）及王祖藍出鏡太多，有網友發起「日日都有黃宗澤/王祖藍有冇睇厭？」投票，揶揄無綫如此疼錫Bosco，不如直接將戲名改作《72個Bosco》，質疑無綫想谷Bosco，最終只會換來反效果。
對此，無綫高層樂易玲說：「好彩只係投訴Bosco，如果話唔鍾意擔正嘅袁詠儀、張學友，我就擔心！依家一周五晚《東張》播兩日，遲吓臨上畫可能播夠三日。」而《東張》負責人彭濟材則說：「網友太激，根本唔存在刻意播Bosco呢回事。大家耐心等候，稍後袁詠儀、曾志偉同張學友嘅訪問片段會陸續出街，仲有製作特輯，公司冇刻意安排要播Bosco。」
對於成為眾矢之的，身在內地拍戲的黃宗澤說：「工作由公司安排，出街片段係多係少都係公司安排。」而王祖藍則說：「有反對聲都好過冇聲，部戲有志偉等大卡士，唔驚宣傳多會有反效果。」
