25/01/2010

播放本新聞相關短片

廖碧兒急澄清:我o個隻冇問題

本文重點
對於早前有藝人代言的減肥產品被指引發心臟病,同是減肥產品代言人的廖碧兒即劃清界線:「我代言嗰隻絕對冇事!」

鄭融、廖碧兒(Bernice)、HotCha、EO2及馬浚偉等昨日齊齊出席《新城勁爆兒歌頒獎禮2009》,鄭融奪「新城勁爆兒歌」獎,Bernice則奪歌曲獎及「新城勁爆最受歡迎親子兒歌大獎」,但成績遠不及連奪5獎的「兒歌天后」李紫昕。

對於某無綫藝人代言的減肥產品被指引發心臟病,Bernice說:「我喺加拿大都聽過呢件事!(你代言嘅減肥產品安唔安全?)我代言嗰隻絕對冇事,因為我多數都係做機!」最近少拍劇的她表示,全憑多唱兒歌保持人氣。

鄭融輸得心服

此外,對於慘敗於李紫昕手下,鄭融坦言甘拜下風:「我都係聽佢(李紫昕)啲兒歌大!佢好有代表性,唱咗十幾年個樣都一樣,佢嘅笑容、工作熱誠同態度,直到依家都Feel到!」問到是否暗指李紫昕老?鄭融慌忙澄清:「唔係!」她又透露當年媽咪要求她「文武全才」,令她倍感壓力,全靠聽兒歌減壓。當鄭融和李紫昕合照時,李紫昕更拉住她的手不放。對於鄭融指聽她的歌長大,李紫昕坦言不介意:「我都係讀書時、2002年先開始做主持唱兒歌,唔知佢嗰時幾大呢?」

音樂組