新劇《鐵齒銅牙紀曉嵐IV》昨日舉行宣傳活動，楊千嬅、《鐵》劇的總導演兼主角張國立，以及女演員韓雨芹等出席，張國立在台上表示知道千嬅於早前辦喜事，即場用毛筆題上「珠（聯）壁（璧）合」四個字送贈。

張國立用毛筆題上四字橫匾送給千嬅。

千嬅向張國立奉上花茶時，笑不攏嘴。

談到將於另一新片中與林峯譜「姊弟戀」時，千嬅笑說：「自從結婚之後，我好似做咗呢單嘢（姊弟戀）嘅代言人咁，我識我老公嗰陣，都唔知佢係咁細，仲笑佢可能以前玩得多！」

至於丁子高曾向記者表示已買定生日禮物，千嬅聞言後說：「係咪o架？佢唔認喎！陣間咩都冇就真係驚喜。（想收咩禮物？）冇所謂嘅！不過都想佢正正式式煮餐飯我食，未試過。」

大笑姑婆帶來歡樂

而早前有消息指在拍攝《鐵》劇時由主角變配角，角色又突然要死，千嬅對此說：「一向都係客串，接劇本嗰時已經知要死，我仲逗咗好多封利是添！呢啲實會有人寫，唔通寫我身形暴索、演技大進咩，係就要送果籃畀佢哋喇！」她又笑言拍攝時當地凍至約零下28度，凍到死，故拍攝死自然死得好似。

此外，張國立坦言跟千嬅拍戲時很開心，問到千嬅拍戲時是否經常狂笑？他笑說：「她已經笑不出來，當地很凍，她凍得連說話也不行！（有指她狂NG？）她說普通話時有NG，我們不知道她說甚麼時，她便望着我們笑，到後來我們不知道千嬅在笑甚麼，但也會跟着她一起笑！」原本在片場甚為嚴肅的他，亦被千嬅愛笑的性格感染。