憑性感形象成功彈起的o靚模Lavina，昨日清晨六時和兩名女友人離開中環蘭桂坊夜店「Volar」時，被兩名《頭條日報》記者在門外攔截，並報稱相機記憶卡被Lavina的同行南亞裔男友人取走，要求她交出記憶卡，更擋在Lavina乘坐的的士前，禁止她離開。此時，Lavina的南亞裔男友人推開擋在車前的女記者，混亂間雙方發生身體碰撞，女記者報稱被胸襲，並報警求助。事件驚動警方到場了解，並帶Lavina到附近的大廈搜身，據知期間她情緒激動，眼紅紅的她，最後由經理人Admond陪同下離開。

Lavina的南亞裔男友人與記者於混亂間發生肢體推撞。

警方調停期間，Lavina的南亞裔男友人不停反拍記者。

警方證有人被捕

事後，警方發言人表示昨日凌晨5時50分，警方收到一位22歲的女子報稱在中區被非禮及偷去相機記憶卡，而警方亦即場拘捕涉嫌盜竊及非禮的31歲男子。

警方接報到場，要求Lavina及同行女友人落車搜身。	女記者攔截Lavina乘坐的的士，要求她交還相機記憶卡。	搜身後，Lavina眼紅紅地離開，狀甚委屈。

不認同友人動粗

記者致電Lavina求證此事時，她說：「我初時都唔知佢哋做咩唔畀我走，後來從警方口中先知佢哋話要拎番張Memory Card（記憶卡），我都冇拎過！（係咪南亞裔男友人拎咗？）我真係唔知！同佢喺場內撞到，係工作上合作過嘅朋友！（記者影咗你啲咩相？）我都係同班朋友飲嘢，冇咩特別親密嘅相！」問到可有朋友被捕時，她說：「呢件事嘅出發點係想幫我出頭，不過個動作錯咗！我唔認同佢嘅做法，希望件事快啲平息！」

至於Lavina的好友Rainbow（胡心諾）則說：「我都係聽經理人講先知咩事！我覺得Lavina都幾慘，同朋友敍舊都搞到咁！」她又笑說：「如果發生喺我身上，我會叫個記者影得我靚啲！」