昨日Ken、泳兒、鍾舒漫、陳偉霆（William）和古巨基昨日出席《飛虎群星賀新歲》簽唱會，對於Kenny和軒仔被本報踢爆在西貢同居，英皇歌手出口幫Kenny自圓其說，William說：「佢哋朋友嚟之嘛！有時阿Ken都會上我屋企。（咁你會唔會幫朋友買家庭用品？）朋友叫我都幫。（有冇上過斌軒嘅西貢屋企？）嗰度應該唔係Kenny屋企，應該係軒仔屋企，呢個新聞傳咗好耐，兩個男仔喺一間屋，過夜都唔會有聯想。（接受同性戀？）身邊好多朋友都係，一啲都唔抗拒。」問到Kenny是否斷背？William繼續力撐：「我覺得佢鍾意女仔，佢成日講追女仔分享經驗。」

曾收男同學情信

至於Ken為幫Kenny，自爆「攣」的疑惑：「咁你覺得我係咪（斷背）？」記者指不知道，Ken竟說：「一時係，一時唔係，自己唔抗拒。」又透露讀書時收過男同學的情信，身旁的William即笑到彎腰，還扮彈開保持距離，場面爆笑！

至於泳兒八卦地問記者斌軒是否真的同居，知道說錯了即補鑊：「圈中好難搵到知己朋友，大家唔好胡亂猜測。」鍾舒漫則堅稱「斌軒」只是好友。

此外，謝安琪（Kay）得悉「斌軒」同居，即驚訝地說：「唔知，只知佢（軒仔）搬屋，好多朋友搬入西貢，會搵機會探佢。（Kenny買日用品照顧軒仔？）知佢兩個、王菀之同關楚耀互相照顧，冇乜出奇。我都話煲湯畀軒仔飲，但佢拒絕我之嘛！」