碧咸日前於意大利受訪時，被整蠱節目《The Hyenas》女主播Elena Di Cioccio戴上膠手套施展「猴子偷桃」，還表示對其享負盛名的「金波子」大失所望。不過觀眾似乎未能笑得出，節目被狠批，Italia Uno電視台在壓力下只好道歉。

碧咸發言人Simon Oliveira前日發聲明，指事件沒有甚麼大不了：「開頭碧咸係有啲意外，但佢最後都覺得呢次只係無傷大雅嘅惡作劇。」

強調冇被摸中

發言人又強調女主播其實失手：「佢冇真係抓中，只係一個嘗試，佢只係摸到碧咸褲襠。」然而，深感偶像受辱的碧咸迷紛紛於其外借的球會AC米蘭球迷網站上留言，大罵Elena：「快啲搵人告佢性侵犯！」

另外，碧咸被「襲」前仍一臉輕鬆出席記者會，宣布他在意國的搵錢計劃，與運動品牌adidas合作，推出米蘭系列運動服裝，他更賣花讚花香，表示會毫不猶豫地穿上該批產品！