擁有35D身材的落選亞姐袁小曼,最近與地產代理CEO廖偉強打得火熱,不但高調讚對方是好男人,又在街頭又攬又啜晒恩愛,原來愛情真的可以令人麻木!
高海寧標汗晒巨咪
近期天氣乍暖還寒,但高海寧依然穿上露肩低胸裙出席商場活動,騷胸、騷長腿都面不改容,她還說︰「我覺得熱!仲熱到出汗!」
解讀:新一代「咪神」果然搏到盡,賣性感又死撐唔怕凍,令在場男士更加慶合合!
Mr.笑談廣東話
無綫與HKRIA的版稅風波擾攘了一個月,環球旗下歌手被無綫全面封殺,更接Order准以廣東話接受其他電視台訪問,Mr.說:「如果可以講廣東話都好,因為我哋普通話唔好。」
解讀:用廣東話做訪問係親切,但為咗開拓其他市場,都要進修普通話!
何超蓮男Look夠搶鏡
賭王千金何超蓮收起性感,以Hip Hop打扮到醫院探望父親,被記者認出時說︰「着到咁都畀你哋認得!」
解讀:唔想畀人認得,可以着得低調啲,但靚女實多人留意,冇辦法!
徐子珊呻人生如戲
徐子珊最近被指搭上富豪住豪宅,她勞氣地回應︰「消息好似《美麗高解像》續集咁,將我嘅人生代入劇情。」
解讀:唔好咁勞氣,不如就乘勢拍套《美麗高解像》續集,演更多好戲畀觀眾睇啦!
袁小曼
現年27歲的落選亞姐袁小曼,與48歲的地產代理CEO廖偉強一撻即着,小曼還強調最愛成熟男士,她說︰「我老公仔好有才華,有成就又夠成熟!」
解讀:愛得咁癡纏,愛情嘅威力真係偉大!
鄧麗欣字典撻傅穎
對於宿敵傅穎被彈以港式英語寫網誌,鄧麗欣雖自稱英語欠佳,但仍有骨地勸對方:「Post上網前查字典。」
解讀:呢個提議唔錯,不如送埋本字典畀傅穎做新年大禮啦!
Rainbow會考目標低
新年將至,胡心諾(Rainbow)希望可以考好會考,還說︰「我要考得高分過Lavina。」
解讀:考得高分過Lavina,似乎目標太低,至少科科坐B望A嘛!讀大學要求唔低o架!
林文龍幸福三合一
郭可盈為林文龍誕下千金,初為人父的文龍十分開心,還感動地說︰「以後我、太太、囡囡係三位一體。」
解讀:三位一體拍住上,咁快就諗定點樣搵奶粉錢嗱!