台灣型男阮經天（小天）憑俊朗外形俘虜不少老中青Fans，同時亦大受各品牌歡迎，經常獲邀四圍飛出席活動行騷，火速成為新一代吸金男模。原來小天除咗頻頻接Job掘金之外，亦投資有道，所指嘅並非買樓炒股票，而係賣二手衫。
小天話晒都係型男，每次出席活動一定執到正一正，雖然經常有時裝贊助，但貪靚嘅佢每季仍花費唔少置裝。有日小小So同佢傾開偈，問佢點處理只着過一次嘅衫，會唔會覺得好煩惱，但小天話：「絕對沒有問題！因為我的朋友會幫我拿去賣，如果挑選時有眼光，隨時可以升值賺錢呀！」小天曾經做過模特兒，相信揀衫都有一定眼光，計小小So話齋，即使佢唔做藝人，大可以轉行做時裝買手！