謝婷婷昨日以嘉賓身份，出席價值2,400萬元RIVA豪華遊艇的推介活動。Tube Dress打扮的她赤腳登船，碰巧大風吹過，險些春光乍洩！鍾情陽光與海灘的婷婷透露，去年生日時獲哥哥霆鋒安排船河派對，為她帶來驚喜：「好難忘！生日過得好Perfect。」她表示若有能力擁有遊艇的話，一定會移居船上。

放大圖片	婷婷希望將來能買遊艇，然後嘗試海上生活。	婷婷參觀駕駛室了解遊艇性能。

不介意與霆鋒拍戲

已正式簽約王晶旗下的婷婷透露，有意進軍動作片市場，但不介意與霆鋒同場演出：「五月我會拍戲。（霆鋒到時都會拍王晶戲喎！）暫時未聽過會一齊演，但最近收到好多朋友嘅短訊，讚哥哥喺《十月圍城》演得好，但佢哋叫我唔好睇，驚我心痛！（合作有壓力？）我唔會同屋企人比嘅，最緊要自己繼續進步。」

提到情人節碰巧是大年初一，婷婷坦言會與家人共度，邀男友安志杰到她家拜年，但揚言不會特別為他準備禮物：「平日見啱佢用嘅嘢都會送。（老夫老妻？）我想你哋幫手寫吓，叫爹哋返嚟陪我食飯！每逢過節佢唔係忙就唔喺香港。」

婷婷以一身Gucci Floral Print打扮「揚帆出海」，高衩Tube Dress以薄紗製成，凸顯其曲線美。藍、白、黑三色組成不規則圖案，相當配合深海的自然奧秘。