忙於亞姐親善工作的顏子菲，早前終有假期休息，即與友人組隊到台灣旅遊，以往到台灣都是公幹，今次放假一於Hea到盡，甫抵埗即到通化及士林兩大夜市開眼界，她說：「真係名不虛傳！我試晒啲地道小食同五花八門嘅小玩意，簡直眼花繚亂，此行五日四夜，我個嘴同胃都冇停過，依家仲回味緊超級美味嘅珍珠奶茶、蜂蜜苦瓜汁同麻辣火鍋。」

難得外遊叉電，顏子菲當然心情靚爆！	顏子菲買了夜市的特色超長雪糕，相信有排食！	台灣之旅，顏子菲飽嘗美食！

過完開心假期，顏子菲回來即計劃下個旅行地點：「希望下次可以喺三月尾去日本睇櫻花，聽講日本三月嘅櫻花係最靚，一生人起碼要去睇一次，我可以順便慶祝埋生日嘛！不過可惜日圓高企，要儲夠錢至可以成行，畀自己狂Shopping，所以未必今年能如願。」

望與男友享浪漫之旅

問到希望與男友去哪個地方旅行？顏子菲想了想說：「馬爾代夫啦！睇電視睇相嗰度啲風景好靚，感覺又浪漫，係同男友去嘅最佳地方。」回港後，顏子菲繼續主持《時尚生活Guide》，她表示主持工作很適合她，而且可掌握第一手生活資訊，獲益良多。