前E-Kids成員阮民安（Tommy）自資開設製作公司，問到是否擔任CEO？他笑言只是「打雜主管」，然後認真地說：「好耐之前已經有好多Idea想試，不過講多過做，依家覺得真係要實踐，唔係Hea吓Hea吓就一世！」今次Tommy、林雪與MC Jin齊唱Rap歌《男士托》，三個男人的組合確實可以產生新火花，他說：「雖然林雪冇學過唱歌，入面仲錄咗啲有內地口音，但我覺得個效果一定好爆，邊個話唔識唱歌唔可以唱？」他指這也是其歌詞的意思。
除了林雪是首次開腔外，連唱片的封面也請來o靚模顏后君（Ceci）用插畫代替照片，Tommy笑言是沒有時間拍攝：「之前見過Ceci啲畫，覺得佢好有個人風格，襯晒隻歌，而且人哋都會認為我哋係有心認真製作！」