出名孝順的陳小春，日前在母親死忌回鄉拜祭，最重要是將下月情人節兼大年初一結婚的消息，親口向母親「報喜」！自小是家中老大的小春，兩個妹妹早已出嫁，但他42歲才成家立室，他感嘆地說：「其實我一直好想結婚生仔，但緣分未到都冇辦法，依家緣分到，但媽媽已經走咗，唔可以喺佢有生之年飲到呢杯新抱茶，我感到內疚同遺憾。」

小春拍照時扮蒙面俠，整古做怪。	伊健（右）與小春老友鬼鬼，當然會出席婚宴。資料圖片	小春婚後拒絕夫妻檔做騷，覺得很老土。

陳媽媽05年因病去世，當時小春停工一年守孝，小春說：「雖然媽媽走咗之後我哋先拍拖，但因為識咗好多年，女友以前都嚟過我哋屋企BBQ，同媽媽見過面，媽媽對佢印象好好。」

密組劈酒兄弟團

下月情人節，小春先在美國註冊、年底在港擺酒，他坦言知道姊妹團陣容，所以要小心籌備兄弟團名單：「我知班姊妹劈酒好勁，所以我要搵番啲靚仔劈得之人做兄弟！當年『風火海』嘅謝天華同太太會去美國，但朱永棠就唔得閒，佢結咗婚又生咗兩個BB長居台灣，但我喺香港擺酒佢就會到，鄭伊健就唔使問一定要到！」註冊翌日，小春即在美國登台搵錢養家，問到會否夫妻檔拍住上？他非常抗拒：「最怕搞情侶檔、夫妻檔表演，太Hard Sell又唔型，我一直都推！」