曾主持不少無綫音樂節目的何基佑，最近不時將一些有關自己的短片放在YouTube上，透過網絡讓網友知道他的近況，估不到連生痔瘡的事都跟網友分享，他說：「曾經有一條短片係講睇醫生，因為早前我去廁所，發現大便有血，我屋企人有過腸癌，所以咪即刻去睇醫生，醫生即刻叫我照內窺鏡，驗咗5分鐘，心理上好似5個鐘咁，個感覺好奇怪，行路好似企鵝咁就住，最後檢驗結果係我生痔瘡，唔係腸癌，都算不幸中之大幸！」
問到為何喜歡與網友分享近況？基佑說：「因為網絡世界好大，好多人都會依住自己喜好去選擇自己喜歡嘅娛樂，所以藝人應該好好咁透過呢個媒體，去宣揚一啲資訊同消息。」
