英國搖滾勁旅Muse月初與Lily Allen齊為新西蘭奧克蘭的《Big Day Out音樂節》演出，雖然他們擔任壓軸表演嘉賓，但演出前相約到當地行沙灘時，吸引大批狗仔隊追訪，無奈記者只顧爭影Lily，當Muse三子冇到，甚至認不出他們，翌日報章頭條更以「Lily同朋友一起」為題。

只顧音樂不想越界

低音結他手Chris Wolstenhomle受訪時表示，與Lily一起終於領略到做「大明星」的滋味，但坦言不恨出風頭：「我哋絕對唔似Lily，佢喺音樂以外都咁出名，我哋就只係樂隊同音樂，但唔想越界，喺音樂以外揚名，我哋都冇興趣。」暗寸她到處招惹是非。不過雙方仍保持友好，其後繼續到澳洲黃金海岸演出。

此外，將於下月6日再度來港開巡迴演唱會的Muse，第七度入圍角逐《英國音樂頒獎禮》，更獲提名「最佳英國組合」，他們早前已兩度奪「最佳現場演出樂手獎」，而他們亦剛落實與Jay-Z及Gorillaz為四月在美國舉行的Coachella大型音樂節擔任壓軸嘉賓。