港姐出身的「味之天使」鄭瑩瑩，近來要拍劇及接洽模特兒工作，又兼任補習老師，忙於替中小學生補習。她表示去年暑假與朋友夾錢開補習社：「係夾錢頂咗朋友間補習社嚟做，除咗打理公司運作，仲要做埋教學工作，一腳踢。」
因瑩瑩曾參與幕前演出，故學生早已認出她，她說：「佢哋問『Miss，好似喺邊度見過你？』，開頭我費事影響老師形象，所以呃佢哋話做藝人嗰個係我孖生細妹，但最尾都畀佢哋踢爆咗。」瑩瑩坦言平日上堂要求嚴格：「上堂唔會同佢哋玩，但如果係聖誕節，就同佢哋一齊開Party，大家玩得好癲！（做教師嘅難忘事？）試過有學生要求我喺手冊簽名，好搞笑！」
