去年約滿唱片公司的Vangie，一直伺機轉投新公司，可惜遇上金融海嘯，加上唱片市道低迷，令其歌唱事業無奈叫停。不過，雄心壯志的她並未氣餒，反而積極面對，等待好時機再出擊，問到會否害怕「手停口停」？她笑說：「梗係驚啦！好彩有唔少內地登台，最多一個星期做四、五個騷，最差都有一、兩個！（人民幣易賺？）唔可以咁講，內地市場真係好大！（變小富婆？）唔好咁講！」

密密搵人仔的鄧穎芝，謙稱未算小富婆。	難得到獅城一遊，鄧穎芝當然不會放過與魚尾獅合照的機會。	鄧穎芝（右二）與方力申（左一）齊齊登台搵真銀。

大頭蝦漏帶三點式

Vangie早前與方力申、陳慧琳及任賢齊等到新加坡參加戶外音樂會，面對逾五萬名觀眾，Vangie大感興奮：「好興奮同壯觀！好少機會見到咁多觀眾！」她又透露順道到新加坡旅行，問到是否與男朋友同行？她說：「冇呀！我都想有！同行只係得個女朋友咋！（有冇艷遇？）冇呀！有冇好介紹？（好Dry咩？）係呀！」熱愛戶外運動的她笑言，面對陽光與海灘時，有衝動跳入海，但因大頭蝦的她沒有帶三點式而告吹，當記者取笑她錯過識男仔機會時，Vangie哈哈大笑說：「有關係o架咩？」