曾參加《十人巷》的樂壇新人成峻（Isaac）今年將作多方面發展，除了以唱作人身份出擊外，他還透露獲公司安排參與電影與電視的演出，問到可有感到壓力？他說：「唔係太大壓力，覺得只要畀心機去做，一定會有人欣賞。」
現年21歲的Isaac曾在北京及上海拍劇，笑言早已見慣風浪：「去咗內地發展四、五年。（最難忘做咩角色？）扮香港臥底！當中有好多內心戲，好有發揮同挑戰性。」他還自爆早前獲校長譚詠麟「點醒」：「嗰集校長做嘉賓，佢話我震音太多，我本來對唱歌最有自信，點知出事！（打擊自信？）初時都有o架！之後諗番佢係教緊我，好比袋錢落我袋。」
