演得又唱得的關菊英日前到美國大西洋城登台搵真銀，大唱經典金曲。由於當地剛播完《溏心風暴之家好月圓》，故她　不忘獻唱該劇主題曲《無心害你》，事前還特別錄製一隻MV碟，實行與現場二千多名歌迷Jam歌大合唱。問到新年檔期會否繼續出外登台？菊姐說：「今個月初要開拍新劇《公主駕到》，所以登台Show暫時都接唔到住。（抽時間四圍Shopping？）冇呀！行程只得四日。不過唔緊要，依家趁有機會搵多啲真銀，遲啲放假先玩個痛快。」