由安仔主演的無綫劇集《五味人生》，寓意人生中有高有低，就如不同味道一樣，而經歷過不同「味道」的安仔，回想入行之初滋味苦澀，幸好最終苦盡甘來，他說：「之前係又『酸』又『苦』，『酸』係因為入行初期，好多同期藝人跑出，好似黎明同郭富城，而我就原地踏步，感覺好酸溜溜！」

喜歡整古做怪的安仔，希望可追個囡囡，湊成「好」字。	放大圖片	憑「阿旺」一炮而紅的安仔，入行逾20年，經歷過不少「甜、酸、苦、辣」。

窮到幾乎冇錢交租

安仔表示入行後一段時間，沒有回報、沒有錢、沒有知名度：「試過窮到擔心冇錢交租，嗰段時間係我人生中最『苦』。而『辣』就係拍啲動作戲，當年又唔興動畫，所以好多動作親自做，例如喺山崖倒吊，真係好難捱。」

經歷過「酸、苦、辣」後，安仔終於憑「阿旺」一炮而紅，他說：「依家係人生中最『甜』，一來阿旺之後收入多咗，二來尤其係結婚同個仔出咗世，見到佢長大，同佢一齊暢遊，感覺好甜，希望兩年後生多個女，一家四口咁就更圓滿！甜上加甜。」