克勤早前因工作而未能出席樂壇頒獎禮，加上所屬的環球因版稅問題與TVB決裂，在種種敏感因素下，克勤決定閉關1年，明年才繼續參與：「費事去啲（頒獎禮）唔去啲啦！」不過他強調沒有想過進身至譚詠麟、黎明等「不攞獎」之列，皆因他對獎項尚未到厭倦的地步，也不覺阻住其他人！

李克勤坦言仍想攞獎，自覺未到「阻住人」的級數。	環球歌手去年在《勁歌》成績卓越，今年則捧蛋收場！ 資料圖片	克勤今年以旁觀者心態看頒獎禮，別有一番體會。

「依家冇咁好玩」

克勤今年可以以輕鬆的心態觀看當局者，令他心境格外清晰：「歌手畀頒獎禮箍得好緊，為年尾爭獎搏命去做！我覺得依家啲歌手咁衝法，真係好辛苦！」如今的他已沒有像早兩年般拚搏，因明白攞獎包含很多商業因素，同時他自覺和新一代歌手有點格格不入，不似以前出席頒獎禮般如歌手聚會，他說：「依家冇咁好玩！」

克勤今年雖然沒有為唱片公司爭獎，但地位超然的他，仍得唱片公司器重，新碟《Threesome》以Analog錄製，以及推出高級發燒版「Blu-spec CD」，是首位採用此高科技製碟的亞洲歌手，認真威水！