電視台與唱片公司的版稅糾紛，令到過往一間電視台獨大的局勢面臨考驗，劉明軒、鄭文及區永權主持每晚半小時的娛樂評論節目《大娛堂》更咬住唔放，爭取更平等的待遇，劉明軒說：「公司由開台就開始爭取，我哋都係想要公平對待，一直以嚟我哋用廣東話問問題，歌星就用普通話答，感覺好奇怪，好希望將來可以用廣東話暢談！」

鄭文（左起）、區永權及劉明軒主持的《大娛堂》，推出以來備受好評。	雖然節目用詞尖銳，但鄭文無懼得罪人。	區永權（右）透露收到吳君如（中）電話稱讚，令他大感鼓舞！ 資料圖片

堅持實話實說

區永權表示吳君如看過節目後，曾致電大讚，令三人士氣大增：「雖然依家每日都睇晒所有最新雜誌報紙，然後再開幾個鐘頭會，一齊傾講乜話題，聽到讚美，幾辛苦都值得！」至於節目中用詞尖銳，問到會否擔心得罪各界？鄭文說：「有傾過呢個問題，不過我哋堅持有碗話碗、有碟話碟，想做一個有角度、有立場嘅節目！」

節目推出個多月，三人表示愈來愈有默契，但仍不敢鬆懈，堅持每日檢討表現：「我哋三個日對夜對，見對方嘅時間仲多過見屋企人，連好多小習慣都熟悉埋添！」