由古天樂、吳君如、鄭中基與夏春秋等主演的賀歲喜劇《花田囍事2010》，鏡頭前「奉旨」逗人發笑，但古仔鏡頭背後卻遭「大整蠱」，經常因忍俊不禁而被迫NG，他說：「我同冬叔（夏春秋）好多對手戲，估唔到呢位老人家好精靈，又鍾意自創對白，好似有場戲講我用『凌波微步』趕住去見母后，點知原本跟喺後面嘅冬叔竟然快過我抵達，我問佢用咩招式趕路，佢話：『你用凌波微步呀？我咪飯後散步囉！』我當堂笑到捧住個肚！所以我成日同佢講：『冬叔，等陣想講乜爆啲嚟聽吓好喎！等我有心理準備！』。」

古天樂自創搞笑拳法拍攝《花》片動作場面，效果甚有驚喜。

古天樂與黃百鳴（右）望延續去年旺勢，對《花》片甚有信心。

古仔憶起接劇本一刻，老闆黃百鳴竟講明要他大打兩日，令他手足無措，思前想後自創「花拳繡腿」，化身「搞笑版葉問」一個打十個，實行挑戰甄子丹！古仔笑說：「我打到好似幫人揼骨咁！話明係喜劇，出嚟效果都唔錯。」他坦言今年計劃開拓新戲路，進軍動作片市場：「我冇功夫根底，講緊嘅都係多啲動作！」

合作恍如一家人

因去年已合作《家有囍事2009》，所以今次再聚首，大家更見默契，古仔自爆不單自行將角色大兜亂帶給觀眾驚喜外，更出現私底下夾期：「大家都好忙，等唔切工作人員度期出通告，所以君如佢哋會打畀我，大家夾時間拍邊個戲份先，感覺好似一家人。」他指在橫店取景時落雨又落霜，令雙腿冷得全無知覺，更擔心冬叔及李香琴等老人家會冷病，故千叮萬囑他們加衣。