楊千嬅與丁子高又再隔空傳情！千嬅前晚出席Vivienne Westwood時裝展，問到與老公是否少見面，她說：「唔需要成日見，見得少神秘啲，見得多好易厭，仲易出錯處！（指造人？）唔係，係大聲咗，有時我好男人。」但她言語間流露恨生BB心情：「造咗個人係好處，係一個祈求。」
至於丁子高則與謝婷婷及張燊悅出席《情．尋．朱古力@海港城》活動，並繪畫比翼雙飛的心及寫上「Loving You」冧太太，他自爆早前炮製朱古力蛋糕氹千嬅，慶祝拍拖100日。談及婚後首個農曆新年，他說：「好大鑊！估計大約有200人拜年，我起碼派5位數字利是，加埋千嬅要6位數！」他已訂造情人節禮物給千嬅，但要賣關子：「老婆生日比節日重要，情人節日日都係！」