國際時裝品牌Vivienne Westwood在會展舉行春夏時裝展，創作總監Andreas Kronthaler親自來港主持大局，一口氣展出Gold Label、Man及Anglomania三個系列，並邀得不少名人行騷，包括打頭陣及壓軸的劉丹、馬詩慧大女王曼喜、黃偉文、陳碧舸、Jessica C.及戴小奕等，吸引張天愛、馬詩慧及江若琳等捧場。

Vivienne Westwood創作總監Andreas（左二），聯同初次行騷的黃偉文謝幕。	名模劉丹包辦打頭陣及壓軸位置，地位超然！	江若琳盛裝欣賞時裝展，令人眼前一亮。

賭王千金何超雲與何超盈穿上品牌服飾睇騷，超雲自評一身打扮值85分，並說：「條裙自己揀嘅，係最新款。」對於超盈計劃畢業後結婚，她說：「OK o架！佢拍咗咁耐拖。（爬你頭？）唔緊要，我支持佢。（想早婚？）我唔想咁早，希望30歲之後，我唔想咁容易停落嚟，結婚係好嚴重嘅事。」向來對時裝有興趣的她表示，能一睹Andreas風采十分高興：「我未同佢合照，但有傾偈。（Mark定同佢合作？）想呀！但我未讀Design。」她希望轉讀英國有名的設計學府Saint Martins，並說：「我依家Approach緊，想讀Design，會遲一年畢業。」

馬詩慧偕張天愛睇騷，捧愛女王曼喜場。

王曼喜

黃偉文處男行騷

至於首次行騷的黃偉文則表示，本以為可一窺後台春光：「點知佢哋安排咗間VIP房畀我換衫，激死！」他透露Andreas特別為他準備新衫：「佢畀兩套勁衫我着，一條係芭蕾舞褲。（現代褲？）係芭蕾舞褲，古代都得，好彩我有斗篷，可以用手按住！」