恨為女兒添個伴的張家輝，最近被影到買中藥，被指性能力有問題要調理身體，幸得老婆關詠荷力撐「冇問題」！前晚關詠荷宣傳《五味人生》，談到家輝「補身」時，她說：「就算唔生都要調理身體啦！佢成日捱夜又有地中海貧血，梗係要調理好身體養我同個女啦！（性能力有冇問題？）梗係冇問題！」而HotCha成員Regen在台上自我介紹時說：「我叫張惠雅，原名叫張惠儀，但係覺得似三級女星名，所以改咗。」梁烈唯即時更正她：「張慧儀係性感女星啫！唔係三級女星。」
另一邊廂的家輝，昨日接受《香港青年協會》頒發「2009年度風雲人物」獎時笑說：「捱咗咁多年，生唔生都要健康啦！時間許可我都會執幾劑！（老婆撐你性能力冇問題！）冇問題！我係正常、健康嘅人。」