熊黛林昨日出席時代廣場舉行的《情人節—戀愛滋味》活動，問到農曆新年又是情人節，是否會與郭富城度過？她表示會返南京與家人過節，但不怕被親友催婚，因為已講了很多年：「我同佢哋講我好多嘢做，唔想結婚住，以前都會想早啲結婚，但依家覺得要成熟啲先結，我仲未夠成熟。」
問到如果男友求婚，要有何表示？熊黛林說：「一定要跪地、戒指同埋鮮花，仲要有愛的宣言。（使唔使十卡鑽戒？）唔使！夠閃就得，唔要粗過自己手指。（要唔要喺大庭廣眾？）唔使！想少啲人知道。」她又表示至今仍未試過有男生向她跪地求婚：「作為女仔，我都好期待呢一刻。」
