張繼聰與傅穎（Theresa）昨日為《走出英語迷宮》節目擔任嘉賓，大會安排他們與小學生鬥寫生字，曾在網誌上寫錯英文文法的Theresa，玩遊戲時不時向身旁的張繼聰請教，問到是否很緊張？她說：「唔係緊張！不過依家啲學生真係好叻！（大會刻意請你？）唔知呀！不過我對語文好有興趣，希望可以好似張繼聰咁做《正識第一》！」她坦言平日少用少講，自然生疏：「之前畀人話過文法錯，不過唔會因為咁避咗，其實寫Blog都係好似日常生活咁，但知道有人會捉，感覺好似寫Essay（文章），不過我唔理會照寫！」

傅穎與小學生鬥寫生字，幸好有張繼聰幫手！

傅穎昨日為《走出英語迷宮》節目擔任嘉賓。

撐老婆謝安琪退出

張繼聰則透露太太謝安琪（Kay）負責教囝囝張瞻英文「佢以前教過英文，經常喺輕鬆嘅環境下教佢。」提到Kay曾患抑鬱症，他即大讚太太是堅強的人：「佢唔想人擔心，呢個係佢嘅成長。（喊住話唔做？）都有，但好少。」他指令Kay最不快的是被指與陳奕迅的緋聞，更力撐老婆：「如果做得沒趣大可退出，我都養得起頭家！」