憑藉一副模特兒身材當選港姐季軍、再進身娛樂圈的呂 慧儀，對於港姐及拍戲兩個階段，她認為有不同辛酸經歷！參選港姐時，每位佳麗都要獨自拍攝野外訓練片段，她試過因半夜行山而驚到喊，現在回想往事，她不禁苦笑說：「當時半夜三更，叫天不應、叫地不聞，出事都冇人幫，嚇到死咁滯，我直情驚到喊！嗰時諗點解選港姐要咁辛苦，事後呢條片又冇播出嚟，嗰種苦況真係不為人知！」

呂慧儀大談拍攝《原來愛上賊》的苦況。

擁有44吋長腿的呂慧儀，有「長腳蟹」之美譽。

冷病險肺炎

直至有機會拍劇，身材高挑的呂慧儀被封為「長腳蟹」，工作搏到盡的她在嚴冬下接拍《原來愛上賊》，劇中更要大騷身材，甚至有一場要穿上三點式坐快艇出海，當時凍到幾乎肺炎：「嗰時係冬天，但個劇要經常着比堅尼拍攝，開工唔夠瞓身體一定冇咁好，仲要着泳衣出海，我凍到起晒『雞皮』，成個僵晒！第二日仲病埋，醫生話我差啲肺炎，所以你話女藝人有身材都好慘o架！」